وسط السحاب اتخبى الجَمَرْ
فين ضي نورك ليه انكسر؟
كانَّك بتستحي من اهل البصر
أي والله بتستحي مع انك حجر
تتملى فيك العين والوجت ما يروحِش هدر
وجت الحزن نواح تنعي معانا الضرر
ووجت الفرح مداح تدعي معانا الجَدَرْ
صعبان عليا بين الغيوم حسنك محبوس
كنّ الجفن نايم كاتم عليه كابوس
ياريتني اجدر اطولك لاجل الجبين ابوس
ده الجلب حسه اتمناك يشري ترابك بالفلوس
امشي ورا خطاك تاريني بجيت مهووس
داب جلبي من عشجك ما نفسك اغلى النفوس
اطَّلع يوماتي فيك احلم انا بضَمًّك
والعين تسهر الليل و تخاف على وجعك
و العَجْل قابض جَمْر يكتم هنا حبك
يتمنى ينول الرضا ويحس بيه جلبك
و اوعاك تكسر بخاطري دي الجسوة مش طبعك
صابر على المكتوب و يا رب انول ودك
ليست هناك تعليقات:
إرسال تعليق