expr:class='"loading" + data:blog.mobileClass'>

12‏/04‏/2013

تخاريف العقل الظاهر .. يأجوج و مأجوج القرن


يأجوج و مأجوج القرن
كلنا او اغلبنا قد شاهدنا مسلسل الجماعة ..ولأنه كان في عهد المخلوع، فالأغلبية اقرت بأنه كذب و إفتراء على جماعة الاخوان المسلمين

انا لا انكر انني كنت واحدة من الناس التي لعبت بها الظنون حول هذا الامر، و لكن تمر الأيام حتى نصل الى الوضع الحالي و نجد أن المسلسل لم يعرض سوى حقائق راسخة عبر الزمن  منذ عهد الملكية مروراً "بالثلاثية العسكرية"...

كلنا اشتكينا مر الشكوى من القصور المضني في عهد العسكريين و اعلائهم لذاتهم و اغفال الطبقات الشعبية .. و لكن اتحدى ان واحد مننا مش بيقول دلوقتي " فين ايام ما كانوا محجوزين في السجون"،  و طبعا كلنا بنقول لو ماكنش السادات اداهم الامان مكانش اتقتل"...

سؤال بسيط سألته لنفسي كلنا بنقول ان امريكا و اسرائيل اهم اعداءنا و كلنا عارفين ان أمريكا اكبر دولة بتدعي محاربتها للارهاب و لأي جماعة او تنظيم له خلفية حربية .. طيب ييجي السؤال بقى .. ليه امريكا مش بتحارب جماعات زي الاخوان المسلمين على الرغم من انها أكيد متابعة أحداث العنف الموجودة ؟؟

يمكن يكون تفكيري اهوج او ضعيف الرؤية، بس دايما في شك بالترابط بين الاخوان و الامريكان.. حيث ان بازدياد التدهور الاقتصادي و التفكك المجتمعي و نشأة النزعات العرقية و الدينية و  طبعا مع انعدام الاخلاق بسبب الفكر الوهابي المصدر من دول المجاورة .. يبقى كده المعادلة الكاملة لسقوط الدولة، و نرجع ساعتها لنفس الكلمة " ..حاميها  حراميها" .. بس "الأعداء المتأسلمين" عمرهم ما كانوا بيحموها.. لأنهم في رأيي الشخصي مرتزقة الدول الكبرى .. حاجة كدة زي في مجتمعنا الصغير .. "لما المعلم يجيب بلطجية يكسروا السوق عشان مصالحه بس هي اللي تمشي" ...


يأجوج و مأجوج القرن بياخدوا كل حاجة و المقابل يكون بأسوأ حاجة ..
ناخد السلام و نديك الحرب.. ناخد الامان و نديك الخوف.. ناخد الفلوس و سدد انت الديون .. ناخد الخدمات و نديك التأخر " طبعا الخدمات لازم تتوفر للأهل و العشيرة دول دم واحد" .. "يأجوج و مأجوج القرن"  بيقضوا عالأخضر و اليابس، "جراد آدمي" و يتميز بالسادية القصوى تنتابه حالات التهلل و الفرح بانتشار الدم و التهتكات.. و تتوالى السقطات و يتوالى التخريب و يتوالى التصديق لبراءتهم كما لو اننا منعدمي الآدمية كمثلنا مثلهم .. " انتبه قليلا من فضلك فالمنحنيات القادمة هي الأصعب على الاطلاق كما انها طويلة الاجل"...

ان كنت سيدي واحد من هؤلاء الذين قاموا ذات يوم بقراءة " برتوكولات حكماء صهيون" .. سوف تعلم جيدا  ان ما أقوله ليس بترهات و انما هي خطوات دقيقة من زمن بعيد، و "الاخوان المسلمون " جزء لا يتجزأ من هذه البرتوكولات. و لتعلم يا قارئي ان التاريخ لا يتغير و انما تتغير الازمان و ان الانسان من طباعه المعارضة دون الفهم.. فكلها احداث متكررة. و ان كنت استوعبت الفكرة الاساسية من فيلم " المصير" للمخرج يوسف شاهين.. ستعلم ان الاخوان هم "الجماعة و الأمير" الذين قاموا بقتل " الغجري مروان" و انه كان يمثل بدوره الفن الذي يعد احد منارات العقول.. و ان "بن رشد" هو مصدر العلوم و قد تم نفيه، كما يهاجر علماءنا الآن الى الخارج.. و ان " عبد الله" ابن الخليفة الصغير، يمثل شبابنا الحائر بين الفضيلة و الرذيلة دون الاحتكام لأي من أفكار الحياة..

عذرا سيدي القارئ  فالعقول في مجتمعنا العربي أصبحت بحاجة للكثير من " الصنفرة و الطلاء" حتى تعود لحالتها من اللمعان و الازدهار.. و لكن كم من الأحياء يتقن هذه الحرفة الآن؟.. و متى يعود العمل بها؟؟..

أنتهت الأسئلة سيدي القارئ.. لعلنا نجد الاجابة في يوم من الأيام ...


                                                                ــــــــــ  نأسف للإزعاج  ــــــــــ



27‏/11‏/2012

اخوانية .. اخوانية ..


اخوانية .. اخوانية

كفاية نهب يا حرامية

مفيش خلاص ديكتاتورية

ماحناش خرفان من غير ديّة

في اليوم ليهم مليون نيّة

اخوانية .. اخوانية

ذئاب كراسي .. ضباع حرية

لابسين وش الاسلامية

و هما اصلا وهابية

عايزينها خسة و شهوانية

اخوانية .. اخوانية

يعني تقول عالست غبية

ولو كات بنت تبقى لقية

طول عمركم مصلحجية

من فاروق .. للعسكرية

اخوانية .. اخوانية

الميادين مش مستنية

مليانة بقلوب ثورية

ما احنا كشفنا التمثيلية

ده انتوا طلعتوا البلطجية

اخوانية  .. بلطجية .. حرامية



23‏/11‏/2012

مصر يامة يا بهية يا ام طرحة وجلابية


مصر يامة يا بهية يا ام طرحة وجلابية

مرسي جه يغني عليا هتكوا فيكي و انت ضحية
الجماعة راكبة الثورة و احنا ناس تايهة و هفية
كله عارف انت غنية ..اوعي من حكم الحرامية

مصر يامه يا بهية يا ام طرحة وجلابية
حادثة ورا حادثة بتعدي .. المهم بخير يا "هنية"
تاخدوا غاز و كمان ادوية و احنا ناخدوا صابونة هدية
اي حد تميلي عليه و تنسي من نادى بالثورية

مصر يامه يا بهية يا ام طرحة وجلابية

كله طبل لك و غني اصل فاكرينك غازية
اوعي تركعي للاخوان و تنسي عشقك للحرية
خلي بالك لتعابين يجردوكي من العذرية

"مصر يامه يا بهية يا ام طرحة وجلابية

الزمن شاب و انتي شابةهو رايح و انتي جاية"

18‏/12‏/2011

كفرونا

كفرونا

ياللي كنا بنفكركم مسلمين

بتقولوا علينا بلطجية و متشردين

و في غير" التبرج" ماحناش فالحين

طب انتوا مين ؟؟

انتوا مين ياللي عملتم مالدقون ايافة

والرجولة اللي حيلتكم كانت عياقة

انتوا مش أهل الطهارة ده انتوا أهل للنجاسة

فين عقيدتك فين ايمانك ؟؟

لما يوم اتعرى جسمي فرحت فيا و قلت أحسن

آه يا معقل الخيانة .. عرضي كان في ايديك أمانة

فالح باسم الدين تكلمني ..و ترمي على شرفي المهانة


كفرونا

كفرونا و اجلدونا ..و ان صبرنا اشنقونا

مش حققتم المراد انتوا و أصحاب الكراسي بتسحلونا

جاي تقول "اولى لبلادنا برلمانها" ياخي أبوك لأبو الحكومة

كفاية ولا نقول كمان و مالحلال بتحرّمونا

كذبونا و كفرونا يا ناس عقولها ساكناها العفونة

كفرونا .. كفرونا !!