expr:class='"loading" + data:blog.mobileClass'>
تخاريف العقل الظاهر....بلاش (...) بقى.
بلاش "..." بقى ....
المجلس العسكري المجلس العسكري .. و هو اللي بيحمينا و الجيش خط أحمر.. ما بقاش فيها خط أحمر ولا أصفر
و النهاردة كان أهم دليل على أن المجلس نسخة مفبركة من حسني مبارك ... قتل أقباط .. و كمان ادعاء بأنهم ابتدوا بأعمال شغب، طب الأقباط كانوا ماشيين في مسيرة النهارده الساعة خمسة مساءً في الشاطبي محصلش منهم أي حاجة ولا أي تجاوز، غير طبعاً انهم عبروا عن نفسهم، مش معقول طبعا يعبروا عن ...نفسهم " ده حتى مش كويس على عقل المجلس العسكري" ما يصدق ينيم الناس من هنا عشان يلاقي ناس طالعة من حتة تانية؟!!! .. ده كلا بردو يا جماعة !!!! ... احنا لازم نناشد و "ننشد" للمجلس العسكري: على طبلة و رق كمان "يا حلوة يا وردة الميدان" ...
تفتكر ان في حد حايجرؤ انه يكون مسؤول عن "مصر" و هو بيشوف كل يوم ان اللغز بيكبر و الخيوط بتتكعبل أكتر ... و ان حد قال أنا أقدر... أعتذر منك سيدي المرشح، أنت كده بتاكل بعقل الشعب حلاوة ... ولا تاكل ليه ما المجلس العسكري اصلا حلق للشعب دقنه ...
سيناريو المجلس العسكري بيدور و كأنه بيقولنا " لاااا انتوا زودتوها أوي بقى .. و مادام مفيش أدب يبقى نتربى " ... مش عارفة بقينا منين و لفين ؟؟ .. والناس النايمة و الأغلبية القاتلة قصدي "الصامتة" .. حاتودونا فين ؟؟ و ايه اللي ممكن يحصل ؟؟ ... النهارده قتل متظاهرين مسيحيين .. و مالو بكرة باقي الشعب و لسه اللي جاي "أقوى"...
الأستاذ القارئ المخضرم اللي بقى بيتكلم في السياسة حتى و هو نايم أرجوك تشغل الطاسة اللي ف نافوخك .. بدال ما الشعب كله يتزنق في حلة "بريستو" .. و يعالم ان كان حد حايفك الغطا ولا حانتسلق جواها .....
لـــــــــــــــــــــــكي الـــــــــــــــــلــَّــــــــــــــــــه يا مــــــــــــــــــــصر ... " والله الموفق و الله المستعان"
9\10\2011
ليست هناك تعليقات:
إرسال تعليق